រង់ចាំថ្ងៃនេះយូរមកហើយ! ព្រះអគ្គិជ័យកីឡា នៃស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ ក្បួនដង្ហែឆ្លងកាត់ចំនួន៣ខេត្តទៀត ចូលមកដល់រាជធានីភ្នំពេញ
ព្រះអគ្គិជ័យកីឡា នៃស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ បានធ្វើដំណើរចាកចេញពីខេត្តស្ទឹងត្រែង ខេត្តក្រចេះ។ បន្ទាប់មកព្រះអគ្គិជ័យកីឡា នឹងត្រូវដង្ហែឆ្លងកាត់ និងប្រារព្ធពិធីទទួលតាម ខេត្តត្បូងឃ្មុំ, ខេត្តកំពង់ចាម, ខេត្តកណ្ដាល និងចុងក្រោយរាជធានីភ្នំពេញ មានប្រារព្ធពិធីទទួលនៅរមណីយដ្ឋានប្រវត្តិសាស្ត្រវត្តភ្នំ រួចទើបដង្ហែទៅតម្កល់ទុកនៅ វត្តលង្កាព្រះកុសុមារាម។
