ខេត្តបន្ទាយមានជ័យ÷ ថ្ងៃព្រហស្បតិ៍ ១ កើត ខែពិសាខ ឆ្នាំថោះ បញ្ចស័ក ពុទ្ធសករាជ ២៥៦៦ ត្រូវនឹងថ្ងៃទី២០ ខែមេសា ឆ្នាំ២០២៣ ឯកឧត្ដម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានអញ្ជេីញជាអធិបតីក្នុងពិធីប្រជុំបិទផ្សាយជាសាធារណៈនូវឯកសារ នៃការវិនិច្ឆ័យ លើការចុះបញ្ជីដីធ្លីមានលក្ខណៈជាប្រព័ន្ធ លើការកែសម្រួលផ្ទៃដីលំនៅឋាន ពីតំបន់២ បញ្ចូលមកតំបន់១ ស្ថិតនៅភូមិសាស្ត្រ ភូមិសំបួរ ភូមិដូនឡឹក ភូមិក្បាលក្របី ភូមិស្រះឈូក ភូមិស្រែព្រៃ ភូមិរំចកអង្គរ និងភូមិថ្មដប់ ឃុំសំបួរ ស្រុកមង្គលបូរី ខេត្តបន្ទាយមានជ័យ។
ឆ្លៀតក្នុងឱកាសនោះដែរ ឯកឧត្ដម អ៊ុំ រាត្រី អភិបាលខេត្តបន្ទាយមានជ័យ បានប្រគេនស៊ីម៉ង់ចំនួន ១០តោន និង លោក អាង ណារិទ្ធ ប្រធានមន្ទីររៀបចំដែនដី ចំនួន ២តោន ដេីម្បីកសាងសាលាឆាន់ វត្តស្រះឈូក ឃុំសំបួរ ស្រុកមង្គលបូរី ខេត្តបន្ទាយមានជ័យ៕
