ខេត្តកណ្តាល៖ តាមរបាយការណ៍របស់ស្នងការដ្ឋាននគរបាលខេត្តកណ្តាល បានឱ្យដឹងថា គិតមកត្រឹមម៉ោង១២:៣០នាទីថ្ងៃត្រង់ នាថ្ងៃទី១៤ ខែតុលា ឆ្នាំ២០២២ កម្លាំងចម្រុះ និងក្រុមការងារចុះរុករកសពជនរងគ្រោះបានចំនួន០១នាក់ បន្ថែមទៀត ឈ្មោះ សុវត្ថិ សក្ខិណា ភេទស្រីអាយុ១៣ឆ្នាំ មុខរបរសិស្ស
សូមបញ្ជាក់ថា សិស្សសាលាមានចំនួនសរុប ១៣នាក់ បានរងគ្រោះក្នុងឧប្បត្តិហេតុ (លិចទូកដទទឹង) កាលពីវេលាម៉ោង១៩”០០នាទី នាថ្ងៃទី១៣ ខែតុលា ឆ្នាំ២០២២ នៅចំណុចកំពង់ដរ ទទឹង ចម្លងពីភូមិអំពិលទឹក ទៅ ភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្តាល។
ក្នុងឧប្បត្តិហេតុ (លិចទូកដទទឹង) ខាងលើ សមត្ថកិច្ចជំនាញ បានរកឃើញសរុបចំនួន១៣នាក់ ស្លាប់០៩នាក់ (ស្រី០២នាក់) និងនៅសល់ចំនួន០២នាក់ មិនទាន់រកឃើញ មានឈ្មោះ មាស សុវណ្ណរាជ ភេទប្រុស អាយុ ១៤ ឆ្នាំ មុខរបរសិស្ស និងឈ្មោះ រី ស្រីលីន អាយុ១២ឆ្នាំ ភេទស្រី មុខរបរសិស្ស។
បច្ចុប្បន្ន កម្លាំងចម្រុះបានបន្តស្រាវជ្រាវរុករកជនរងគ្រោះដែលបាត់ខ្លួនបន្តទៀត៕
