នៅព្រឹកថ្ងៃទី២៩ ខែកញ្ញា ឆ្នាំ២០២២ ក្រុមយុវជនស្រលាញ់បរិស្ថាន បាននាំគ្នាធ្វើពិធីដង្ហែសាកសពព្រៃឈើ ដើម្បីយកញត្តិទៅដាក់នៅក្រសួងបរិស្ថាន។
បើតាមអ្នកធ្វើដំណើរតាមដងផ្លូវ ចាប់ពីស្ថានទូតចិន ឆ្ពោះមកក្រសួងបរិស្ថាន គេឃើញ ក្រុមយុវជនស្រលាញ់បរិស្ថាន បានរៀបចំធ្វើពិធីដង្ហែសាកសពព្រៃឈើ ដូចជាដង្ហែសពមែនទែន៕
ក្រុមយុវជនស្រលាញ់បរិស្ថាន ដង្ហែញត្តិទៅក្រសួងបរិស្ថាន ព្រឹកនេះ ដោយសារពួកគាត់មើលឃើញថា ស្ថានភាពព្រៃឈើនៅកម្ពុជា កំពុងរងការកាប់បំផ្លាញកាន់តែច្រើន បន្ទាប់ពីក្រសួងបរិស្ថាន ហាមឃាត់មិនឲ្យសហគមន៍មូលដ្ឋាននិងប្រជាពលរដ្ឋដែលស្រលាញ់ធនធានធម្មជាតិ ចុះល្បាតព្រៃឈើដូចមុន។
បើទោះប្បី ជាក្រុមយុវជនស្រលាញ់បរិស្ថាន បានរៀបចំធ្វើពិធីដង្ហែសាកសពព្រៃឈើ ដូចជាដង្ហែសពមែនទែន យ៉ាងណាក៏ដោយ អាជ្ញាធរខណ្ឌចំការមន ធ្វើការហាមឃាត់៕
