ភ្នំពេញ÷ បុរសម្នាក់វាយសម្លាប់ប្រពន្ធខ្លួនឯង
បណ្ដាលឲ្យស្លាប់យ៉ាងអាណោចអាធម៌ កាលពីវេលាម៉ោង១រសៀល នៅល្ងាចថ្ងៃទី២៧ ខែមករា ឆ្នាំ២០២៣ ស្ថិតក្នុងភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ។
ជនសង្ស័យមានឈ្មោះ ស៊ាង សេត អាយុ៥៩ឆ្នាំ និងជនរងគ្រោះមានឈ្មោះ លី សុភា អាយុ៥៤ឆ្នាំ អ្នកទាំងពីរជាប្តីប្រពន្ធ និងរស់នៅចំណុចកើតហេតុខាងលើទាំងអស់គ្នា។
តាមប្រភពព័ត៌មានខាងលើដែលទទួលបាន
ជនសង្ស័យឈ្មោះ ស៊ាង សេត និងជនរងគ្រោះមានឈ្មោះ លី សុភា នៅក្នុងផ្ទះកើតហេតុតែ ២នាក់ ដោយកូនចៅរវល់ចេញទៅក្រៅអស់ ស្រាប់តែជំងឺសរសៃប្រសាទ ជនសង្ស័យរើឡើងវិញ ក៏បានវាយសម្លាប់ប្រពន្ធខ្លួនឯង បណ្តាលឲ្យស្លាប់យ៉ាងអាណោចអាធម៌នៅក្នុងថ្លុកឈាម៕
